Главная » Toshkentdagi restoranlardan birida ishlovchi mavrikiyalik yigit “Golos” loyihasida hakamlarni lol qoldird
(

Rossiyaning ORT telekanalidagi “Golos” loyihasida asli mavrikiyalik bo`lgan, ayni paytda Toshkentdagi restoranlardan birida ishlovchi Xensli Poynen ishtirok etdi. Uning ijrosidagi “Wake me up” qo`shig`i Grigoriy Leps, Dima Bilan, Polina Gagarina va Leonid Agutindan iborat hakamlar hay`atini lol qoldirdi.

Xensli qo`shiqni boshlashi bilan Polina Gagarina uni tanlashini ma`lum qilib, u tomonga o`girildi. Birozdan so`ng Leonid Agutin ham Xensliga ustozlik qilish istagini bildirdi. Xenslining ajoyib ijrosi ularning barchasiga manzur bo`lgan edi.

Qo`shiqni ijro etib bo`lgach, Xensli asli mavrikiyalik ekanligini, ayni damda Toshkent shahridagi restoranlardan birida qo`shiq kuylashini aytdi. Leonid Agutin “Toshkent bu shahar nomimi yoki restoran?” deb savol berdi. Bunga javoban Xensli Toshkent O`zbekiston poytaxti ekanligini aytdi. Leonid Agutinning bu savoli biroz mantiqsiz eshitildi. Sababi, mazkur loyihada bundan avval ham bir necha marta toshkentlik xonandalar ishtirok etgan.

Polina Gagarina Xenslining yoniga borib, uni tanlashini so`radi. Tabiiyki, Xensli Polinaning iltimosini erda qoldirmadi.
Просмотров (67)
Mне нравится 0

Всего комментариев: 0
avatar