Главная » Umid Iskandarov rafiqasi bilan ajrashganini Shahzoda Matchonova bildirib qo`ydi
(

Aktyor Umid Iskandarov rafiqasi Renata Iskandarova bilan ajrashgani haqida mish-mishlar tarqalgan, biroq aktyor bunday gap-so`zlarni inkor etib kelayotgan edi.

Bugun Umid Iskandarovning rafiqasi Renata Iskandarova tug`ilgan kunini nishonlamoqda. Aktyor rafiqasini ijtimoiy tarmoqlardagi sahifalari orqali tabrikladi. Umid Iskandarov she`riy tabrigida rafiqasiga hammaning xush ko`rgan insoni, kimdir uchun esa eng sevimli bo`lishni, g`am chekmaslik va baxtli kunlarni unutmaslikni tilagan.

Renata Iskandarova mazkur tabrikka javoban “Rahmat, Umid, ta`sirli she`r uchun!”,—deb yozib qoldirgan.

Renataning yaqin dugonasi, aktrisa Shahzoda Matchonovaning tabrigi e`tiborimizni tortdi. Mazkur tabrikda Shahzoda Renataga hayotida uni butun qalbi bilan sevadigan inson bo`lishini tilagan.

“Mening qadrli insonim! Bizning qo`g`irchog`imiz, tug`ilgan kuning bilan! Hayoting o`zing kabi chiroyli bo`lsin! Har doim hayotdan mamnun, yorqin va samimiy tabassum qiluvchi inson bo`l! Hayotingda butun qalbi bilan seni sevadigan inson bo`lsin!”,—deb yozdi Shahzoda Matchonova.

Fursatdan foydalanib, “Darakchi.uz” tahririyati nomidan Renata Iskandarovani tavallud ayyomi bilan muborakbod etamiz.
Просмотров (681)
Mне нравится 0

Всего комментариев: 0
avatar